“Dja nu djunta na nos sindikatu pamodi nu ta kridita ma trabadjadoris debe ser tratadu ku justisa y ten un vós igual na lokal di trabadju. Dja nu prende ma óras ki nu fika djuntu, nu sta na puzison más fórti di faze mudansas na Upham's Corner. Djunta ku nos na nos luta pa dignidadi y pa ruspetu!”

“N ta atxa ma sentru di saúdi kumunitáriu debe ser jiridu di forma dimokrátiku. Através di nos sindikatu, nu pode ganha vós na kuidadu di pasienti y luta pa mudansas ki nu kre odja. Djunta ku nós pa nu pode proteje midjor nos kumunidadis y nos futuru!"

“Óras ki trabadjadoris di setor di saúdi y di kuidadus dumisiliar partisipa na tomada di disizon, nu pode midjora y garanti ma nos pasientis ta resebe kuidadus ki es meste. Nu ta kontinua ta mante unidu na luta y na konkista di nos sindikatu. Trabadjadoris di Upham’s Corner é fórti y unidu!”

“Nu ten vós más fórti pa midjora nos saláriu, kumunikason ku direson y suguransa na trabadju óras ki nu uni. Dunta ku nos na nos sindikatu pa nu pode luta pa midjor binifísius y kondisons di trabadju.”

“N sa ta vota sin pa nos sindikatu, asi pa nu pode midjora nos regalias y nos saláriu. N ka kre vive ku medu di fika duenti ô di bai pa ôspital, sen sabe modi ki N ta paga renda ô faze konpras pa nha família pamodi N ka pagadu.”

“Ku apoiu di nos sindikatu, nu ten un vós fórti pa midjora nos kondison di trabadju y di saláriu. Komu trabadjadoris di kuidadus dumisiliar ki ta presta kuidadu isensial, nu meste di aumentus garantidu, asi pa nos saláriu pode aumenta ku aumentu di kustu di vida.”

“Komu trabadjadoris di kuidadus dumisiliar, nu ta sta na linha di frenti di prestason di kuidadus di nos pasienti y nu sabe midjor ki ningén modi ki nu ta trata kes asuntus na nos lokal di trabadju. Óras ki nu forma nos sindikatu, nu ta pode ten un vós na nos trabadju, ki ta fasilita-nu pa nu faze kel ki nu gosta más - kuida di nos pasientis. Partisipa y djunta ku nos!”-

“N sa ta vota sin pa nos sindikatu pode ten binifísius, asi pa-m pode fika na nha trabadju y kontinua ta kuida di nos pasientis na prósimus anu.”

“N sa ta vota sin pa djunta ku 1199SEIU pa nu pode ten un vós na Upham's Corner. Nos sindikatu pode proteje nos trabadju y djuda-nu presta midjor kuidadus pa nos pasientis.”

“N sa ta vota sin pa nos sindikatu pamodi na Upham's nu meste ser tratadu ku dignidadi y ruspetu. É inpurtanti pa nu xinti suguru y valorizadu pa trabadju duru ki nu sa ta faze. Kel-li ta da-nu más suguransa na trabadju.”

“N sta kontenti di resebe Upham's Corner na 1199! Diferensa entri un instalason ka sindikalizadu ku un instalason sindikalizadu é grandi, y nos solidariedadi é kuza ki ta faze-nu fórti.”

“Nos novu kontratu 1199SEIU na BMC ta aumenta konpensason finanseru, ikilíbriu entri vida profisional ku pesoal y suguransa pa kada enfermeru, u ki ta riforsa ma nos é valorizadu y inportanti. Gósi nos é enfermerus ki ta pagadu más txeu na Boston pamodi nos union na 1199.”

“Ku apoiu di nos sindikatu, nos organizason pode ser un portu suguru, ka so pa nos pasienti, mas tanbê pa pesual ki sa ta djobe faze un trabadju ku ónra, lebadu pa un mison. Nu ten ki ser kapás di paga nos kónta y xinti ma nu ta obidu y ma nu ta apoiadu. Nu ten ki ser kapás di kria, profisionalmenti.”

“Na ta kria un sindikatu, mi ku nhas koléga, nu sa ta poi valoris di nos organizason na ason, através di da nos kabésa puder komu trabadjadoris pa kria un lokal di trabadju más suguru, más sustentável pa nos y pa gentis ki nu ta sirbi.”

“Nos kontratu di sindikatu ta garantí-nu bons benefísiu, auméntu na saláriu ku transparénsia na lokal di trabadju. Oportunidadi di idukason kontinu ta djudá-nu paga nos lisénsa y dizenvolve nos profison. Djunta ku nos pa igualdadi na lokal di trabadju, justisa sosial y kamaradaji!”

“Aderi 1199 signifika un auméntu di 15% na vensiméntu, benefísius, asisténsia médiku, féria pagadu y idukason. Kel-la, po-m na kaminhu pa un stilu di vida diferenti.”

“N resebe txeu benefísiu ku nha sindikatu!”