Dimistrason ta bai tenta inpidí-nu di nu ten un vós, mas nos é más fórti djuntu.
Gósi-li, dimistrason ta kontrola tudu dinhéru ku puder pa ses kabésa. Óra ki nu kria nos sindikatu, dimistrason ta bai ten ki partilha tomada di disizon ku nos. Kel-li é un mudansa difísil pa dimistrason seta y, txeu bês, es ta bai tenta inpidi-nu di kria nos sindikatu. Nu ten ki mante fórti y unidu na kunpanheru, y nu ta bai ten un vós pa salárius midjor, kondisons di trabadju midjor y benefísius suguru.
ÓRA KI ES TA TENTA INPIDÍ-NU DI TEN UN VÓS, DIMISTRASON TA BAI:
Pâpia sobri kótas ku kalker otu kuza pa po-nu ka pensa na nos kondison di trabadju ka suguru, saláriu baxu y trataméntu injustu. Mas, dja nu sabe ma kótas é 2% di nos saláriu di bazi (sen konta ku óra estra ô diferensial) y ma nu ta kumesa paga sô dipôs di nu kaba negôsia nos pruméru kontratu ku midjorias garantidu.
Faze promésa, pidi un sugundu oportunidadi y, talvês, midjora nos benefísiu, mas kalker midjoria ki dimistrason faze pode torna tradu, si nu ka konsigi nos sindikatu y, mézmu asin, es ta bai dexá-nu mutu pa trás di kel ki ménbrus di 1199SEIU dja garanti.
Flá-nu ma kria nos sindikatu ka ta bai faze diferénsa, mas nu sabe ma ten un diferénsa enórmi entri kel ki nu ten y kel ki ménbrus di 1199 dja garanti.
Mas, pa más ki un bês, trabadjadoris di kuidadus di saúdi, djuntu ku trabadjadoris di kuidadus di saúdi ku bazi na kumunidadi, dja mostra ma, óra ki nu ta fika unidu na kunpanheru, ku koraji y ku union, dimistrason ta obi. Más ki 450.000 mémbrus mante firmi y vota na 1199SEIU, y ten más ta aderi kada anu.
NOS ENPREGADOR SA TA VIOLA LEI?
É KÓNTRA LEI fla enpregadus ma kel instituison ta bai dispidí-s ô kastigâ-s si es envolve na atividadis di sindikatu.
É KÓNTRA LEI dispidi ô dispensa kalker enpregadu pamódi atividadi di sindikatu.
É KÓNTRA LEI da enpregadus oméntu ô da-s priviléjiu spesial pa fastâ-s di sindikatu.
É KÓNTRA LEI inpidi enpregadus di pâpia sobri sindikatu fóra di óra di trabadju.
É KÓNTRA LEI pergunta enpregadus sobri asuntus konfidensial di sindikatu, reunions, etc.
É KÓNTRA LEI kria, pamódi tipu di atribuison di trabadju, kondison pa dispidi un enpregadu pamódi se atividadi na sindikatu.
É KÓNTRA LEI pergunta enpregadus sobri sindikatu ô sobri riprizentanti di sindikatu.
É KÓNTRA LEI pergunta enpregadus módi ki es sa ta pensa na vota.
É KÓNTRA LEI pergunta enpregadus si es ta faze parti di un sindikatu ô nau, ô si es inskreve na un sindikatu.
É KÓNTRA LEI amiasa trabadjadoris ô forsâ-s na tentativa di influensia ses vótu.
É KÓNTRA LEI fla enpregadus ma benefísius ki ta izisti ta bai tradu si instituison sindikalizadu.
É KÓNTRA LEI fla ma sindikalizason ta bai obriga enpregador dispidi trabadjadoris.
É KÓNTRA LEI fla ma sindikalizason ta bai tra féria ô otus benefísiu ku priviléjius ki sta ativu.
É KÓNTRA LEI promete enpregadus promoson, omentu ô otus benefísiu si es sai di sindikatu.
Kalker un di kes ason mensionadu di riba é un violason di Lei Nasional di Relasons di Trabadju (National Labor Relations Act). Abô, komu un enpregadu di kuidadus di saúdi y un apoianti di un movimentu sindikal livri, bu debe dinúnsia kes ason-la, si es kometedu, pa bu riprizentanti sindikal.
Manifesta publikamenti y kria apoiu pa nos sindikatu é un diretu di nos, protejedu pa lei. Nu pode pâpia sobri nos sindikatu y troka informason na kalker lugar, kalker óra, kontantu ma el ka ta intirfiri ku kuidadu di pasienti y di klienti. É kóntra lei bu enpregador ô supervizor intirfiri, tadja ô forsa enpregadus ki sa ta tenta organiza ô aderi un Sindikatu.
KÓTAS: DJUNTA NOS RIKURSU PA GANHA
Kótas di Sindikatu
✔️Kóta é 2% di nos saláriu mensal di bazi (sen konta ku óra estra ô diferensial) y es ten un limiti di 125 dólar pa mês pa nos trabadjador ki ten saláriu más txeu.
✔️Nu ka ta paga kóta timenti nu ka negôsia nos pruméru kontratu y el é votadu y aprovadu pa ménbrus di 1199 na Upham’s Corner.
✔️Ka ten ninhun taxa di komésu pa un trabadjador kontratadu antis di nu vota y ratifika nos pruméru kontratu.
Kóta é kantu?
Kótas ta paga kes kustu asosiadu ku midjora nos saláriu, nos benefísiu, nos suguransa na trabadju y nos kondison, sima:
✔️Spesialistas ki ta djuda negôsia bons kontratu.
✔️Omenta kontidadi di ménbrus pa omenta nos fórsa y proteje nos futuru.
✔️Nos infrastrutura: kumunikason, piskiza, sirvisu jurídiku, skritórius ku spasu pa reunion.
✔️Riprizentason pa proteje nos diretu na trabadju.
