Trabadjadoris di Kuidadus di Saúdi ku Bazi na Kumunidadi na País Interu ta Skodje 1199SEIU!
Aderi 1199SEIU ta da trabadjadoris di saúdi di kumunidadi un vós efikás pa eleva padron pa nos profison ku pa nos pasienti y klienti. Trabadjadoris di kuidadus di saúdi di kumunidadi di 1199SEIU ganha:
Ruspetu!
Suguransa na lokal di trabadju
Kuidadu di saúdi baratu ô di grasa
Saláriu justu ku auméntu regular
Suguransa fórti na trabadju y un vós na kuidadu di pasienti y na sirvisus pa klienti
Oportunidadis di idukason ku formason kontinu di grasa
UN Stória Ku Un Mison Ku Orgúliu
1199 fundadu pa un grupu di farmaséutiku, ten más di 80 anu, y oji nu ta riprizenta más ki 450.000 trabadjadoris di kuidadus di saúdi na tudu Flórida, Massachusetts, Nova Jérsia, Nova Iorki, Maryland ku Washington D.C. 1199SEIU é kel sindikatu di trabadjadoris di kuidadus di saúdi más grandi y más fórti na país. Nos ménbru ta trabadja na tudu parti di indústria di kuidadu di saúdi, sima séntrus di saúdi di kumunidadi y asisténsia na kaza. Nos é giadu pa un mison di konsigi kuidadus di saúdi di kualidadi pa tudu algen y enprégus suguru pa kes ki ta fornese kuidadu.
Trabadjadoris di Kuidadus di Saúdi di 1199SEIU Sta y Sénpri Stevi na Linha di Frenti di Justisa Sosial
Ménbrus di 1199SEIU ta partilha ku klínikas di saúdi di kumunidadi un didikason pa kudi txeu nesesidadi di algun di nos populason vulnerável. Dézdi luta pa diretus sivil te diretus LGBTQ+, trabadjadoris di 1199SEIU ten un stória kunpridu di sta na dianti di justisa sosial, sima:
Black Lives Matter
Fight for $15
Igualdadi na kazaméntu y proteson pa trabadjadoris LGBTQ+
Diretus di Riproduson
“Konsiénsia Oténtiku di Movimentu di Trabadjadoris”
Trabadjadoris di kuidadus di saúdi ku bazi na kumunidadi asusia ku organizasons ku bazi na kumunidadi ku susésu pa konsigi uns vitória pa pasientis y pa klientis ki nu ta sirbi. Kel-la ta inklui garanti ma ten un finansiaméntu apropriadu pa kuidadus di saúdi y spandi asésu pa kuidadus di saúdi pa kumunidadis marjinalizadu. Dézdi 1932, nos didikason pa un mundu igual, ku saúdi, suguru y justu ka fadja. É pamódi kel ki Dr. Martin Luther Kung txoma 1199 “konsiénsia oténtiku di movimentu di trabadjadoris.”
Leigh Howard, Social Worker, Callen-Lorde, NY
“1199 é nha skólha pamódi ses stória riku di justisa sosial y pamódi ses didikason sen para pa satisfaze nesesidadi di txeu kumunidadi.”
